صوت القوافي

اسمعي صوت القوافـي ...واسمعـي الكلمـه تنـوح
وناظـري حـروف شعـري ...تشتكـي ملـيـون عـلّـه

اه يــا طـعــم الـسـعـاده ..واه يـــا الـوجــه الـصـبـوح
واه يـــا درب مشـيـتـه ...وعــيّــت الـخـطــوه تــدلّــه

واه يـــا لـيــل سـهـرتــه ...اشّــيــد بـحـبــك صــــروح
اشتكيلـه بـعـد غـالـي ...وعـاشـق مــا جــاه خـلّـه

وش بـقــى مـــن عـاشـقـك غـيـر..ونــات وجــــروح
وعيـن فـي ظــلام الـيـل ...تسـكـب الـدمـع وتهـلّـه

الــوفــا فــاحــت دلالـه..وبـيــرق وصــالـــي يــلـــوح
تجاهلـيـهـا كــــان ودك ... ودوري لــــي اي زلّــــه

اعـتـلـى قـــدرك مـعــي ...لـيــن وصـلـتـه الـسـفـوح
وبخفوقـي لـك وطـن ...يحـرم عـلـى غـيـرك يـزلّـه

انــت غلـطـه فــي زمـانـي ..ساقـهـا حــظ شـحــوح
وانــت حــب لا لفيـتـه॥ ارتـــوي مـــن كـــاس ذلّـــه

للـعـمـر كـنـتـي شـبـابـه ..وللـجـسـد نــبــض وروح
وفي الحشا حبك نثرته ..ومن الحشا اعرف اتلّه

ديره التوحيد

فـي وسـط هالغربـه شدنـي ذكـرى ليالـيـك
ذكـــرى وطـــن مـــا ودك الا تـقـبــل تــرابــه

ذكـــرى لـيـالـي ॥عشـتـهـا بـيــن اراضــيــك
يـا عـسـى مـزنـه بالخـيـر تسـقـي شعـابـه

ديـره التوحيـد.. مـا يضـرك لـو حكـوا فيـك
نبـراس للعـز.. مـا يـضـره مــن حـكـى بــه

يـــا عـســى رب شـــرف الـبـيــت يـحـمـيـك
ومـن خيـر هالدنيـا يـجـزل علـيـك بثـوابـه

يالله يالـلـي مــا فـــي يـــوم خـــاب راجـيــك
يا الواحد المعبود ..ياللي الخلايق تهابـه

عبـد لجالـك ॥مـن ضيقـه البـال ناصـيـك
يـشـكـي هـمــوم بـصــدره واحـــزان وكــابــه

يـا صـاح مـا قـوت ابيـات شـعـري توفـيـك
لــو نظـمـت حروفـهـا مــا قـويـت الكـتـابـه

قـلـب وفـالـك يــا الـغـلا وشـلــون يخـلـيـك
فيـك ربـي بلانـي وافقـدت عقـلـي صـوابـه

مـــا عـــاد لـــي يـــا الــغــلا حــاجــه فــيــك
حبل المواصل غدير ..وفي دروبك سرابه

ان ضاقت سنينك

يــــا صـاحـبــي تــــرى مــــا قــلـــت وشـفــيــك
يومك تقول احساس ضايقنـي البـارح بـرده

وتقسى على قلب بالحيـل يـا صـاح يغليـك
وتـقـول خــل بـــاب الـوصــل خـلـفـك وســـدّه

وانـت تـدرى لـو كــل المخالـيـق حـكـوا فـيـك
ابوقـف بصفـك حـتـى عـلـى القـلـب واضــدّه

وش لك بجرحي يوم ابيـع النـاس واشريـك
وتـزيـد صـداتـك وعـلـى الجـفـا قلـبـي تـحــدّه

مــــدري تـنـاسـيـت يــــوم تــزعـــل واراضــيـــك
واليوم محد وفى احساس ولا احد نشد ودّه

ببـحـور صــدك مــا ينـعـرف درب لمراسـيـك
مـا عـدت اميـز بـيـن جــزر وصـالـك ومــدّه

وان ضاقت سنينـك وحنيـت لشـوف مغليـك
ابقابلك بقلب الصافي وراحـه ايديـن ممتـده

مع طلعه الصبح

مــع طلـعـه الصـبـح والـوقـت للـحـيـن بـــدري
في هاجسي اجتمع حس القوافي مع اوراق

قمت اتغنى واحلق عالي في سمـاء شعـري
حــــر ضــنـــاه الــشـــوق وحــلـــق ولا طـــــاق

لـو جفـت الانهـار مــا جـفـت بـحـور شـعـري
دام الشعر يجبـر بخاطـر احسـاس لا ضـاق

حرفـي اقـولـه والـصـدى فــي الافــاق يـسـري
تـطــرب لـــه قـلــوب تـرتـجـي لـحـظـه عـنــاق

يـا صاحبـى لا دنـى الليـل وانــا هـايـم فـكـري
بلغ سلامي للي لهم قلب احسـاس يشتـاق

وقـلـه تــرى الـدنـيـا تـقـلّـب وانـــت مـــا تـــدري
(تمسي على ساقين وتصبح علـى سـاق )

مـــا ينـفـعـك فـيـهــا اذا مــــا صــــرت حــــذري
تقبلـك بـوصـال (ن) ويعـقـب وصالـهـا فــراق

ابصـبـر ولــو طـالـت بــي مـسـافـات صـبــري
مـــا زال الــفــرج شـمـســه تــلّــوح بــالاشــراق

الحلم

غفيـت وصحـى حلـم حبستـه فـي حشـاي سنيـن
يناشد حظي العاثر متى يا احساس تهنـى بـه ؟

صرخ في داخلي طفل صغير(ن) بالعمـر للحيـن
عـلـى هـونـه يـجـر خـطـاه يــدور كـومــه الـعـابـه

يعيش اللحظه ولا همه من الدنيا قسـى او ليـن
بحظـن امـه يجـي يبكـي ويشكـى كـل مــا صـابـه

اخذ لوحه وراح يجري يقول يمه انا رسمي زيـن
تــرد امــه وهــي تضـحـك حبيـبـي اللـوحـه جـذابـه

سنيـن مـن العمـر مـرت وصاحبنـا كبـر هالحيـن
بدى يعرف معنـى الجـد وحـدود الطيـش واسبابـه

كثـر مـا تاخـذ مـن الدنيـا لـزوم بيـوم تـرد الـديـن
وكثر ما ضاقت الدنيا ... بيجي وقت وتهنى به

صحيت وغفى حلم (ن) اشوفه من ثمان سنين
تـعـبـت اخــايــل بــروقــه ولا اوصــــل الــــى بــابــه

ابيات وحروف

الى متى قلبي ساهر يشكي همومه
والى متى امشي خطوه الحرمان والخوف

بيحت من صدري ما خفى من علومه
كتبتها وما على الماضي من حسوف

دونتها من خافق (ن) تحدر عزومه
همس وقصيد وقاف وابيات وحروف

(شاعر) لا مشى تحكي الناس بسلومه
قافي وليد (احساس) ينبع من الجوف

فيني من الاحزان ليل (ن) يصّوب سهومه
تسهر بها عين (ن) ترقب الونات وتشوف

العمر حفنه سنين (ن) خيرها ارجي قدومه
ارتجي حلو الليالي ومن الوله قلبي شغوف

للعلى درب (ن) مشيته وما لي بغير العز سومه
ويا عسى ليل المفارق يرحم (احساس) ويروف